«Բլինքեննե՛ր, ՌԴ, ԵՄ դեսպաննե՛ր, էդ մտահոգությունները մտցրեք ձեր համապատասխան տեղը». Նաիրա Զոհրաբյան

«Բլիքները հեռախոսազրույց է ունեցել Նիկոլ Փաշինյանի հետ ու մտահոգություն է հայտնել անցակետի հետ կապված: Միջազգային բոլոր կառույցներն իրենց մտահոգությունն են հայտնում: Եվրոպական կառույցնե՛ր, եթե դուք Ադրբեջանի հանդեպ կոնկրետ պատժամիջոց չեք կիրառելու, էդ մտահոգությունները փաթաթեք ու մտցրեք ձեր համապատասխան տեղը. բոլորը՝ Բլինքեններ, ՀՀ-ում հավատարմագրված դեսպաններ, ՌԴ, ԵՄ դեսպանն էլ հետը, բավակա՛ն է մեզ կերակրեք ձեր ֆեյք թղթերով, բարոյական աջակցություններով»,- այս մասին «Հայելի» ակումբում ասուլիսի ժամանակ հայտարարել է ՀՀ ԱԺ նախկին պատգամավոր Նաիրա Զոհրաբյանը՝ անդրադառնալով Լաչինի միջանցքում ադրբեջանական անցակետի վերաբերյալ միջազգային կառույցների արձագանքներին: