«Հայաստանը փրկելու համար նոր տեսակի իշխանություն և չվարկաբեկված ընդդիմություն է հարկավոր». Ոսկան Սարգսյան

Լրագրող Ոսկան Սարգսյանի գրառումը. «Պարզ իրողություն եմ ասում, որը շատերի ուղեղին հասանելի չէ, շատերին էլ ձեռնտու չէ։ Լևոն-Տեր-Պետրոսյանը, Ռոբերտ Քոչարյանը, Սերժ Սարգսյանը և նրանց հետ կապված քաղաքական ուժերը չեն կարող լինել Նիկոլ Փաշինյանի իշխանության ընդդիմությունը և այդպիսին չեն։ Այդ նրանք են շուրջ 30 տարի ձախողել Հայաստան պետության կայացումը, ստեղծել են թայֆայապետություն, 2018-ին էլ թավշյա հեղափոխություն -քաղաքական թատրոնով իշխանությունը սկուտեղի վրա հանձնել են Նիկոլ Փաշինյանին, որ նա «լուծի Արցախի հարցը»։ Նրանց շնորհիվ է, որ տարօրինակ պատերազմի ավարտից, խայտառակ կապիտուլյացիայից ավելի քան երկուսուկես տարի անց Նիկոլ Փաշինյանը իշխանության գլուխ է։ Այդ ձևական ընդդիմադիրները Ազգային ժողովում պայքար են բեմադրում՝ զանազան հարցեր տալով Նիկոլ Փաշինյանին։ Այդ քաղաքական գործիչների և նրանց հետ փոխկապակցված քաղաքական ուժերի տեղը պատմության արխիվն է, Հայաստանը փրկելու համար նոր տեսակի իշխանություն, նոր, չվարկաբեկված, երկիրը չթալանած, համապետական ընտրություններ չկեղծած ընդդիմություն է հարկավոր։ Դրսի հզոր կենտրոնները Հայաստանում իրենց ազդեցիկ գործակալների միջոցով ամեն կերպ խանգարում և խանգարելու են այդ գործընթացին»։