«Ոչ ոք չի հարցնում՝ Հայաստանը համաձա՞յն է Ադրբեջանի այդ պայմանին». Վ. Աթանեսյան

Քաղաքական վերլուծաբան Վահրամ Աթանեսյանը ֆեյսբուքյան իր էջում գրում է. «Հայ-ադրբեջանական բանակցությունների ամենացավոտ կետը, կարծում եմ, միմյանց «քաղաքական ամբողջությունը» ճանաչելու դրույթն է, որ անցյալ տարի հրապարակայնացրել էր Բաքուն՝ բացահայտելով իր «մշակած հինգ սկզբունքները»։ Ի՞նչ է դա նշանակում։ Բաքուն փորձում է հասնել նրան, որ Հայաստանը լեգիտիմ ճանաչի Լեռնային Ղարաբաղի նկատմամբ Ադրբեջանի սուվերեն-սահմանադրական իրավազորությունը։ Բայց, չգիտես ինչու, ոչ ոք Նիկոլ Փաշինյանին չի հարցնում՝ Հայաստանը համաձա՞յն է Ադրբեջանի այդ պայմանին։ Բոլորը սևեռված են տարածքային ամբողջականության վրա»։