«Եվրոպացի դիտորդները Հայաստան էին եկել բոլորովին այլ առաքելությամբ». Բենիամին Մաթևոսյան

Քաղաքագետ Բենիամին Մաթևոսյանը ֆեյսբուքյան իր էջում գրել է. «Դադարեք գրել եվրոպացի դիտորդների մասին Սոթքի դեպքերի համատեքստում։ Նրանք, ի սկզբանե, Հայաստան էին եկել բոլորովին այլ առաքելությամբ, քան Հայաստանի սահմանների անձեռնմխելիությունն ապահովելը։ Նրանք այստեղ են՝ վերահսկելու ռուսական զորքերի տեղաշարժը Հայաստանում, իրանական զորքերի տեղաշարժը Հայաստանի և Ադրբեջանի սահմանին, նրանք այստեղ են աշխատելու այն շրջանների բնակչության հետ, որտեղ եվրոպայի պաշտոնյաները, ամերիկյան վարչակազմի հետ միասին, Փաշինյանի և Ալիևի հետ պլանավորում են «վերադարձնել ադրբեջանցի փախստականներին», ու դիտորդներն, ըստ երևույթին, հիանալի են կատարում իրենց առաքելությունը:
Մյուս կողմից, Ադրբեջանը գործում է այնպես, ինչպես վարվել է երկար տարիներ՝ Հայաստանի վրա ճնշում գործադրելով՝ բանակցությունների նախաշեմին սրելով իրավիճակը սահմանին։ Ահա, այսպիսի «նախերգանք» Փաշինյան-Ալիև բրյուսելյան հանդիպումից առաջ:
Մեր բանակի ուժն ու տոկունությունը, որը ստիպված է պայքարել ոչ միայն ադրբեջանական իշխանությունների քաղաքականության հանցավոր դրսեւորումների դեմ, այլև ստիպված է փորձության ենթարկվել պաշտոնական Երևանի անգրագետ ու վտանգավոր քաղաքականության պատճառով»: