«Կարծում եմ՝ Սոթքի ուղղությամբ բախումները կրկնվելու են նույնիսկ «լիակատար խաղաղության» պայմաններում». Հեքիմյան

Պահպանողական կուսակցության նախագահ Կարեն Հեքիմյանի գրառումը. «Կարծում եմ, որ Սոթքի ուղղությամբ զինված բախումները կրկնվելու են, նույնիսկ՝ «լիակատար խաղաղության» պայմաններում: Խնդիրը Սոթքի ոսկու հանքերն են, որոնց իրավական կարգավիճակը փոխվել է 2020թ նոյեմբերի 9-ի (10-ի) չգիտեմինչի արդյունքում:
2007թ Սոթքի ամբողջ հանքավայրի շահագործող «նշանակվեց» «Գեոպրոմայնինգ գոլդ» (GeoProMining Gold) ընկերությունը, որը նույնականացվում է հայտնի ռուս օլիգարխ, Պուտին Վլադիմիրի մտերիմ Իգոր Սեչինի խորհրդական և ընկեր Ռոման Տրոցենկոյի հետ:
2020թ նոյեմբերից հանքավայրի շուրջ 70-75% վերահսկվում է Ադրբեջանի կողմից, հետևաբար՝ «Գեոպրոմայնինգ գոլդ»-ը էական ֆինանսական վնասներ է կրում:
Ընկերությունը ՀՀ կառավարությանը սպառնաց միջազգային արբիտրաժով, սակայն ստացավ Զանգեզուրի պղինձամոլիբդենային կոմբինատի ակցիաները և ... հրաժարվեց խնդրի արբիտրաժային լուծումից: Բացի դրանից՝ ընկերությունը շարունակեց շահագործել Սոթքի հանքավայրի՝ Հայաստանի վերահսկողության ներքո գտնվող մասը:
15-20 օր առաջ մամուլում հայտնվեց Տրոցենկոյի և մեկ այլ բիզնեսմեն Նիկոլայ Մատուշևսկու հեռախոսազրույցը, որի ընթացքում Տրոցենկոն ասում է, որ «ՌԴ-ում իշխանությունը հայտնվել է мудила-ների ձեռքում, ինչը նշանակում է, որ ամեն ինչ կվերջանա դժոխքով՝ մարդիկ միմյանց սպանելու են և մորթեն Մոսկվայի փողոցներում»:
Դժվար չէ կռահել, թե ովքեր են ՌԴ-ի իշխանավոր мудила-ները:
Դժվար չէ կռահել նաև, որ այսօր Սոթքում, իսկ վաղը միգուցե նաև Քաջարանում այդ նույն мудила-ներն «իրենց» հայկական սեփականության համար կռիվ են տալու:
Դժվար չէ կռահել նաև, որ կռվում հայ զինվորների արյունն է թափվելու, իսկ հաղթելու են мудила-ները»: