«Համաշխարհային մամուլը լայնորեն է լուսաբանում թուրքական ընտրությունները». Հրայր Թամրազյան

«Ազատություն» ռադիոկայանի հայկական ծառայության տնօրեն Հրայր Թամրազյանը ֆեյսբուքյան իր էջում գրում է. «Համաշխարհային մամուլը լայնորեն է լուսաբանում թուրքական ընտրությունները։ Արևմտյան առաջատար լրատվամիջոցները շեշտում են, որ Էրդողանի պարտությունը կփոխի Թուրքիան, կդարձնի արևմտամետ։ Իսկ Էրդողանի հաղթանակը կարող է երկիրը վերջնականապես դարձնել կրոնապետություն և միապետություն։ Ես առանձնացրել եմ երկու մեկնաբանություն, որոնք լույս են տեսել «Նյու Յորք Թայմս»-ում և «Le Monde»-ում։
Ըստ «Նյու Յորք Թայմս»-ի, Էրդողանի հնարավոր պարտությունը կարող է անհանգստացնել Մոսկվային՝ Ռուսաստանի հետ նրա աճող կապերի պատճառով, միաժամանակ թեթևացում բերելով Արևմուտքին: Էրդողանի օրոք Թուրքիան դարձել է Ռուսաստանի անփոխարինելի առևտրային գործընկերն ու դիվանագիտական միջնորդը, հատկապես Ուկրաինա ներխուժումից հետ։ Ամերիկյան առաջատար թերթն ընդգծում է, որ Էրդողանի կառավարությունն օգնել է խարխլել Կրեմլը մեկուսացնելու արևմտյան երկրների ջանքերը։
Ֆրանսիական առաջատար պարբերականները նույնպես մեծ ուշադրությամբ են հետևում Թուրքիայի ընտրություններին։ Ահա թե ինչ է գրում Le Monde-ը։
Վերջին 20 տարիների ընթացքում երկիրը ղեկավարող թուրքական քաղաքական իսլամի ջատագով Էրդողանը երրորդ ժամկետն է ուզում ստանալ՝ հուսալով մնալ պաշտոնում մինչև 2028 թվականը: Հորիզոնը բավական հեռու է, որը թույլ կտա նրան վերափոխել երկիրը։ Էրդողանը ցանկանում է կառուցել «Երկրորդ հանրապետություն», դարձնել Թուրքիան ավելի կրոնական, ավելի միապետական, ավելի հեռու Արևմուտքից, գրում է Ֆրանսիական «Le Monde»-ը»։