«Շատ մտահոգիչ տեղեկատվություն եմ ստացել Արցախից». Փոստանջյան

«Շատ մտահոգ տեղեկատվություն եմ ստացել Արցախից, շատ դժվար պահ է Ստեփանակերտում, որովհետև, ինչպես էստեղ, մարդիկ իրար չեն վստահում. դավաճանական փաստարկները, որ տեսել են 2020-ի պատերազմի ընթացքում, բոլորին մտահոգում է»,- «Հայելի» ակումբում ասուլիսի ժամանակ հայտնել է «Երկիր ծիրանի» կուսակցության նախագահ Զարուհի Փոստանջյանը: Նրա խոսքով՝ այն մարդիկ, ովքեր ազնվորեն պաշտպանել են մեր հայրենիքը, այսօր Զինված ուժերում չեն: «Պետք է տրվի իրավական գնահատական բոլոր այն դեպքերին, որոնք տեղի են ունեցել 44-օրյա պատերազմի ընթացում, պատասխանատվության պետք է կանչել գլխավոր սուտասանին, ով անընդհատ ասում էր՝ հաղթելու ենք»,- նշել է նախկին պատգամավորը: Ըստ Փոստանջյանի՝ ովքեր այսօր հավակնում են քաղաքական, ռազմական պաշտոնների, պետք է հստակ պատասխան տան՝ ինչ տեղի ունեցավ: