«Ստացել ենք Սամվել Վարդանյանի գործով առաջին ատյանի դատարանի որոշումը». Ռ. Մելիքյան

Իրավապաշտպան Ռուբեն Մելիքյանի գրառումը. «Այսօր ստացել ենք Սամվել Վարդանյանի գործով («դավաճան» վանկարկելու համար ձերբակալության գործ) առաջին ատյանի դատարանի որոշումը։ Այն տասնօրյա ժամկետում բողոքարկելու ենք, և, վստահ եմ, ի վերջո ունենալու ենք նախադեպ, որը կպաշտպանի մեզ ու հատկապես մեր երեխաներին՝ ոստիկանության կամայական, անհիմն, ապօրինի ու անտեղի միջամտություններից։
Ի վերջո, այն բոլոր «իրավական բարիքները», որոնցից մենք բոլորս «սովորական ռեժիմով» օգտվում ենք, ձևավորվել են ինչ-որ մարդկանց հետևողականության, «նախորդ սովորականի» հետ չհաշտվելու շնորհիվ։
Այս թեմային շաբաթ օրը երեկոյան կանդրադառնամ լայվով՝ «Կարմիր բերետների կարմիր գծերը» խորագրով»: