«Սոցիալական ցանցերում գրառումների ժամանակը վաղուց է ավարտվել». Բ. Պիպոյան

«Իրազեկ և պաշտպանված սպառող» ՀԿ նախագահ Բաբկեն Պիպոյանը գրել է․ «Սոցիալական ցանցերում պարզապես գրառումների ժամանակը վաղուց է ավարտվել: Գրառումները գործողություն ՉԵՆ ու չունեն ոչ մի իրական ազդեցություն: Նախկին-ներկա, խիստ ընդդիմադիր, կիսաընդդիմադիր, լղոզվող, մլմլացող, բզբզացոզ, անգամ «մտնող» բոլոր քաղաքական ուժերը պետք է տան հստակ գնահատական՝ կիսո՞ւմ են կառավարության կողմից վարվող արտաքին քաղաքականությունը: Կամ կիսում ես, կամ՝ ոչ: Չի կարող ուժը կոչվել քաղաքական ու այսպիսի հարցի շուրջ դիրքորոշում չարտահայտել:
Բոլոր չկիսողները պետք է միավորվեն ու միավորեն մոտեցումը չկիսող քաղաքացիներին՝ երաշխավորելով իրական այլընտրանքային ելք:
Կոռուպցիա, ժողովրդավարություն, տնտեսական կամ սոցիալական քաղաքականոթյուն, առողջապահական հիմնախնդիրներ՝ բոլոր նմանատիպ հարցերի շուրջ միասնական մոտեցում փնտրելու ժամանակ չկա. դա՝ հետո:
Պաթոսային լացերը, ճառերն ու ողբը ոչ մի բանի մասին են»: