«Բանավեճը ցույց է տալիս կողմերի միջև անհաղթահարելի թվացող հակասությունները». Հրայր Թամրազյան

«Ազատություն» ռադիոկայանի հայկական ծառայության տնօրեն Հրայր Թամրազյանը ֆեյսբուքյան իր էջում տեսանյութ է տարածել՝ գրելով. «Այս վիճաբանությունը դիտելուց հետո քչերը կհավատան, որ կողմերը մոտ են համաձայնությանը, ինչպես պնդում են Եվրոմիության և Միացյալ Նահանգների պաշտոնյաները։ Ամեն անգամ երբ այսպիսի հանդիպում է տեղի ունենում Մոսկվայում, փլուզման եզրին են հայտնվում Բրյուսելում և Վաշինգթոնում ձեռք բերված պայմանավորվածությունները։ Հիմա Ալիևը պահանջում է լուծարել Արցախի պետական ինստիտուտները՝ գիտակցելով, որ խախտում է բոլոր կարմիր գծերը, գիտակցելով, որ խափանում է բանակցային գործընթացը։ Դիտեք Մոսկվայում տեղի ունեցած բանավեճը, այն ցույց է տալիս կողմերի միջև անհաղթահարելի թվացող հակասությունները»։