«Նման գործելաոճը որպես իրավապաշտպաններ վտանգավոր չե՞ք համարում». Վահագն Ավագյան

ԱԺԲ անդամ Վահագն Ավագյանը գրել է. «Դանիել Իոաննիսյան, Արթուր Սաքունց, Ժաննա Ալեքսանյան

Ինչքանով որ հասկացա իր խոսքերից, Նինա Կարապետյանցը որպես իրավապաշտպան, զոհված զինվորի ծնողին կալանավորելու հանգամանքը պետության կողմից ճնշման միջոց է գնահատել իր մեղքը ընդունելու և դատական կարգով իր անմեղությունը ապացուցելու հնարավորությունից զրկվելու առումով։
Արդյո՞ք տվյալ իրավիճակում նման գնահատականը չունի օբյեկտիվ հիմքեր, արդյո՞ք վտանգավոր չեք համարում երկրի համար պետության նման գործելաոճը լռությամբ խրախուսելը որպես իրավապաշտպաններ, ի՞նչը պետք է խանգարի պետության կողմից ռեժիմի քաղաքական ընդիմախոսներին կալանավորելու որոշումներ կայացնելը, եթե ոչ իրավապաշտպան համայնքի նման կամայականությունների դատապարտումը։
Եթե կարծում եք, թե տվյալ դեպքում վերը նշված հանգամանքի չարաշահում չկա, ի՞նչ հիմնավորումներ կարող եք ներկայացնել։ Արդյո՞ք նույն դիրքորոշումը կունենայիք, եթե ռեժիմը գլխավորեր ոչ թե պայմանական նիկոլը, այլ պայմանական քոչարյանը կամ սերժիկը»։