Փաշինյանը կնոջ հետ Գյումրիում մասնակցում է խնջույքի. ոտքի է հանվել ոստիկանական ողջ համակարգը

Նիկոլ Փաշինյանը կնոջ հետ այս պահին գտնվում է Գյումրիում՝ «Իգիթ» ռեստորանային համալիրում: «Հրապարակի» տեղեկություններով՝ նրանք մասնակցում են Աննա Հակոբյանի մորաքրոջ թոռան՝ Գյումրու փոխքաղաքապետ Վահագն Մկրտչյանի դստեր միամյակի և կնունքի արարողությանը:

Ռեստորանում անվտանգության խիստ հսկողություն է իրականացվում՝ ինչպես դրսում, այնպես էլ տարածքում:

MAMUL.am-ի տեղեկություններով՝ այսօր կեսօրից ոստիկանական ուժեղացված հսկողություն է իրականացվել նաև Աշտարակի մայրուղու վրա: Ոստիկանական տասնյակ մեքենաներ ու հարյուրավոր աշխատակիցներ են բերվել մայրուղի՝ ապահովելու համար Փաշինյանի անխոչընդոտ ավտոշարասյան ընթացքը դեպի Գյումրի: Ըստ մեր տեղեկությունների՝ այս գործում ներգրավվել են ոստիկանության ինչպես մայրաքաղաքային, այնպես էլ մարզային ստորաբաժանումներ:

Ի դեպ, տոնական արարողությունից լուսանկար է հրապարակել նաև Աննա Հակոբյանը, որում նա իր մոր հետ է: «Մամանյա»՝ վերնագրել է նա լուսանկարը: