«Բաքվի բռնապետի թիրախում մեր տնտեսությունն է». Կարեն Հովհաննիսյան

Ռազմական փորձագետ Կարեն Հովհաննիսյանը ֆեյսբուքյան իր էջում գրում է․ «Բաքվի բռնապետի թիրախում մեր տնտեսությունն է։
Ու այս քաղաքականությունը նոր չէ, պարզապես հիմա ավելի մեծ մասշտաբների է հասցրել ամեն ինչ։
Բաքվի բռնապետը թիրախավորեց Սոթքի ոսկու հանքը, թիրախավորեց Ջերմուկ հանգստյան քաղաքը, թիրախավորում է ներդրումային ծրագրերով կառուցվող գործարանը և ընդհանրապես կրակոցներով փորձում է հասնել նրան, որ ՀՀ-ում ներդրումներ կատարելն օտարերկրացիների համար դառնա ռիսկային։
Մենք այս ուղղությամբ պետք է աշխատենք, պետք է միջազգային հանրությանը, կազմակերպություններին, պետություններին սրա մասին ևս անընդհատ ասել, տեղեկացնել։
Բաքվի բռնապետի այս գործելաոճը ոչ այլ ինչ է, քան ահաբեկչություն այլ ինքնիշխան պետության նկատմամբ»: