«Աշոտյանը քաղաքական բանտարկյալ է». Զոհրաբյան

«Գրեթե վստահ եմ, որ Արմեն Աշոտյանին այս շենքից կկալանավորեն, ուստի հայտարարում եմ, որ նա քաղաքական բանտարկյալ է»,- ՔԿ շենքի մոտ, լրագրողների հետ զրույցում, ասաց նախկին պատգամավոր Նաիրա Զոհրաբյանը: «Նիկո՛լ, քո ու քո քաղաքական թիմի հատուցման ժամը գալու է»,- նշեց նա:

Հիշեցնենք՝ ՔԿ-ն հայտնել էր, որ ՀՀԿ փոխնախագահ Արմեն Աշոտյանը ձերբակալվել է ՀՀ քննչական կոմիտեի հատկապես կարևոր գործերի քննության գլխավոր վարչությունում քննվող՝ «Երևանի Մխիթար Հերացու անվան պետական բժշկական համալսարան» հիմնադրամում կատարված առերևույթ չարաշահումներին վերաբերող քրեական վարույթի շրջանակներում՝ խափանման միջոցի պայմանները խախտելու հիմքով։