«Տո իշխանությունն էլ ձեզ, աթոռներն էլ ձեզ». Արծվիկ Մինասյան

«Փոխարենը ձեր սխալները ընդունելով, պատմությունից դասեր քաղելով, խոսեք նոր հնարավորությունների մասին, եկել, խեղաթյուրում եք իրականությունը»,- խոսքն ուղղելով ՔՊ-ականներին՝ հայտարարեց «Հայաստան» խմբակցության պատգամավոր Արծվիկ Մինասյանը: «Ռոբերտ Քոչարյանի կառավարման ժամանակահատվածում է, որ Ադրբեջանը երբեք փորձ չի արել հարձակում կազմակերպել Հայաստանի ու Արցախի վրա: Երկնիշ ցուցանիշները դեռ այն ժամանակ էին»,- շարունակեց նա: Մինասյանի խոսքով՝ այսօր հայ ժողովուրդը կանգնած է գոյաբանական խնդրի առաջ. «Յուրաքանչյուր քննադատության վերաբերվում եք՝ դուք իշխանություն եք ուզում: Տո իշխանությունն էլ ձեզ, աթոռներն էլ ձեզ, նստեք 100 տարի, բայց ապահովեք անվտանգ երկիր, Արցախի հայության լիարժեք ապրելու իրավունք»,- նշեց պատգամավորը: