«Իրեն միայն ոստիկանություն և վարչապետի անվտանգության ծառայություն է պետք». Նարինե Դիլբարյան

Հայոց լեզվի պատմության ամբիոնի դոցենտ Նարինե Դիլբարյանը գրում է. «Քաղաքական աբսուրդի գագաթնակետը կամ անկեղծության և խոստովանանքի պահը՝ Նիկոլ Փաշինյանին դուր չի գալիս ՀՀ զինանշանը, պատճառը պարզ է՝ Հայոց Արարատն է, որ աներկբա Թուրքիային է ուզում հանձնել ՔՊ վարչապետը, ջրհեղեղն էլ վերադիր, օրհներգն էլ քիմքին հաճո չէ, խմբագրման ենթակա է, վերջին տունն է ավելորդ, այնուհետ ամենամեծ սխալի խոստովանություն, իսկ սխալն առանցքային է, պարզվում է՝ բանակին է վստահել Փաշինյանը, արդ կարծես զղջում է, այսինքն՝ այլևս չի վստահում, ընդհանրապես գուցե զինանշանի և օրհներգի ավելորդ տների հետ բանակից էլ ձերբազատվի։ Իրեն միայն ոստիկանություն և վարչապետի անվտանգության ծառայություն է պետք․ ԱԱԾ-ն վերանվանելու կարիք կա թերևս, ազգային անվտանգությունը դարձնենք վարչապետի անվտանգության ծառայություն՝ ՎԱԾ։ Պետության լուծարումը՝ որպես ուղիղ ճանապարհ։ Փաստորեն, 2018 թվականի ապրիլին այս գաղափարաբանությամբ էր իշխանության գալիս ՔՊ առաջնորդը»: