Արցախի պետնախարարը կոչով դիմել է հանրությանը

Արցախի պետնախարար Գուրգեն Ներսիսյանը ֆեյսբուքյան եթերով դիմել է բնակչությանը՝ կոչ անելով գործել առավելագույն չափով խնայողաբար: Վերջինի խոսքով՝ երեկվանից պետական համակարգը անցել է խնայողության ռեժիմի, և հանրային սպասարկումն ապահովող ծառայություններին ևս տրվել է հանձնարարականներ, կիրառվում են սահմանափակումներ:

«Այս պահին դադարեցված է ֆիզիկական անձանց վառելիքի տրամադրման գործընթացը: Խնդրում եմ ըմբռնումով մոտենալ և անընդհատ չկուտակվել լցակայաններում: Նման հարցերով դիմել տեղական ինքնակառավարման մարմիններին՝ միայն ծայրահեղ անհրաժեշտության դեպքերում: Ավելորդ կամ անհիմն միջնորդություններով, խնդրում եմ, չծանրաբեռնել պետական մարմիններն»,- ասաց նա: