«Սրանց միակ խրամատը սեփական աթոռն է». Լիլիթ Գալստյան

ԱԺ «Հայաստան» խմբակցության պատգամավոր Լիլիթ Գալստյանը ֆեյսբուքյան էջում գրել է․ «Աներկբա է․ Արմեն Աշոտյանը քաղաքական հալածյալ է, իսկ գործող իրավապահ համակարգն իրականացրել է օրվա ռեժիմի քաղաքական պատվերը:
Սա իշխանությունների՝ հատկապես Հայաստանի և Արցախի Հանրապետություննների առջև ծառացած գոյութենական սպառնալիքներից հանրությանը շեղելու և սեփական դիրքերն ամրապնդելու հերթական սին, ցայտնոտային և դատապարտված քայլն է:
Սրանք կարմիր գիծ չունեն․ սրանց միակ խրամատը սեփական աթոռն է։
Ժողովրդավարության ջատագով միջազգային հանրությունը շարունակում է աչք փակել երկրում խորացող հակաժողովրդավարական և հակաիրավական այս ընթացքի վրա։ Նրանք նույն խրամատում են․․․
Ժողովրդային ընդվզումն այլընտրանք չունի։ Սրանք ոչնչացնում են ամեն բան, ինչ կապ ունի պետության, Հայրենիքի և ինքնության հետ։
Ժողովրդային ընդվզումն այլընտրանք չունի»: