«Ամրանալով՝ մեզ ցույց է տալու խավարից ազատվելու ու դեպի լույս գնացող ճանապարհը». Է. Շարմազանով

ՀՀԿ Գործադիր մարմնի անդամ Էդուարդ Շարմազանովի գրառումը. «Ոչ ձեր սեւ լենտերը, ոչ դագաղներ, ոչ դիշովի -շինծու գործերը ու ոչ էլ կալանավորումը չեն կարող հետ պահել Արմենին հանուն Ազատ Արցախի ու Անկախ Հայաստանի պայքարից։
Արմենը կալանավայրում ավելի է ամրանալու։
Ամրանալու է նախ հոգեպես։
Եվ ամրանալով հոգեպես՝ մեզ ցույց է տալու խավարից ազատվելու ու դեպի լույս գնացող ճանապարհը։
Երկրիս վրա ոչինչ պատահական չի լինում։
Դրախտ գնացող ճանապարհը փորձություններով է անցնում։
Հանրապետականի համար նստելը նորություն չէ։
Աշոտ Նավասարդյանը, Անդրանիկ Մարգարյանը, Ռազմիկ Զոհրաբյանն արժանապատիվ կալանք են կրել նույնիսկ սովետական գուլագներում։
Նստել ու վերադարձել են՝ կերտելով Անկախ Հայաստան։
Շնորհքով ու տղավարի նստելն էլ ամեն մեկի բան չէ, Արմենը շնորհքով ու տղավարի կնստի էլ, դուրս էլ կգա։
Թող ուրիշները մտածեն, որ ապրում են որպես դավաճան, իսկ նստել են որպես ….»: