Bank of China-ն սահմանափակում է փոխանցումները Ռուսաստանից դեպի եվրոպական և ամերիկյան բանկեր

Հունիսի 13-ից Bank of China-ն սահմանափակել է ռուսական բանկերի հաճախորդների փոխանցումները դեպի ԵՄ-ի, ԱՄՆ-ի, Շվեյցարիայի և Մեծ Բրիտանիայի բանկեր, հայտնում է РБК-ն՝ վկայակոչելով Modulbank-ի և Finam-ի ներկայացուցիչներին: Նմանատիպ սահմանափակումներ են գրանցվել Unicredit-ում և Akibank-ում:

Սահմանափակումները վերաբերում են բոլոր բանկերին, որոնք օգտագործում են Չինաստանի բանկը՝ որպես յուանով փոխանցումների հիմնական թղթակից-բանկ:

«Որոշումն ընդունվել է ոչ թե Չինաստանի, այլ ԵՄ-ի և ԱՄՆ-ի կողմից: Այսպիսով, նրանք փորձում են պատժամիջոցների ճնշում գործադրել՝ արգելափակելով այլընտրանքային ուղիները յուանի տեսքով»,- ասել է Modulbank-ի վարչության նախագահ Պավել Սեմենովը:

Finam-ի ներկայացուցիչ Դմիտրի Լեսնովը RBC-ին ասել է, որ հունիսի 13-ից բանկը դադարեցրել է միջոցների փոխանցումը Bank of China-ի թղթակցային հաշիվներով ոչ միայն յուանով, այլև ԱՄՆ դոլարով, եվրոյով և Հոնկոնգյան դոլարով։