«Հայ հասարակությունը պետք է փոխի իշխանությանը». կինոռեժիսոր

«Պետք են դիվանագիտական ակտիվ գործողություններ, ոչ թե իմիտացիա: Կինոռեժիսոր լինելուց բացի, ես նաև կինոսցենարիստ եմ. ի սկզբանե տապալված սցենար է, երբ գրվում է, որ հերոսը մտածում է, որ կգնա, վրեժ կլուծի, հերոսը պետք է գնա և վրեժ լուծի: Էդպես է, դրամատուրգիան ենթադրում է գործողություն, ոչ թե մտադրություններ: Հայաստանը պետք է գործողությունների դիմի: Ամեն բանակցային փուլից առաջ Ադրբեջանը դիմում է գործողության՝ փակում է միջանցքը, թույլ չի տալիս, որ հիվանդներին տեղափոխեն, Հայաստանը՝ ոչ մի բան»,- «Ռեվյու» հաղորդման եթերում անդրադառնալով Արցախում ստեղծված իրավիճակին՝ ասել է կինոռեժիսոր Հովհաննես Գալստյանը: Նրա խոսքով՝ որպեսզի հայ հասարակությունը կարողանա ազդեցություն ունենալ իրավիճակի վրա, պետք է փոխի այն իշխանությանը, որը տապալել է ամեն ինչ: