Վահագն Ալեքսանյանից դատարանը բռնագանձել է 655 հազար դրամ

543

Չորեքշաբթի, 28 հունիսի, 2023 թ., 11:36

«Հրապարակ»-ը գրում է. «Երևանի առաջին ատյանի դատարանը՝ դատավոր Ժաննա Ասատրյանի նախագահությամբ, վճիռ է կայացրել, որով ԱԺ ՔՊ խմբակցության պատգամավոր Վահագն Ալեքսանյանից հօգուտ Հայ-ռուսական (Սլավոնական) համալսարանի բռնագանձել է 655 հազար 500 դրամ։

Ավելի վաղ մենք գրել էինք, որ համալսարանը գումարի բռնագանձման պահանջով հայց է ներկայացրել դատարան՝ ընդդեմ ՔՊ-ական պատգամավորի։ Բանն այն է, որ Վահագն Ալեքսանյանը սովորել է այդ համալսարանի իրավագիտության ֆակուլտետում՝ «Սահմանադրական իրավունք, պետության և իրավունքի տեսություն» մասնագիտացմամբ, սակայն ակադեմիական պարտք ունենալով՝ 12 կրեդիտի չափով, դուրս է մնացել համալսարանից։ Այլ կերպ ասած՝ քննությունները լավ չի հանձնել, դուրս է մնացել։

Ալեքսանյանը, սակայն, ուսման վարձի գծով պարտք է մնացել համալսարանին, ինչի համար էլ բուհը դատի է տվել պատգամավորին, իսկ դատարանը մայիսի 26-ին բավարարել է հայցը»:

Առավել մանրամասն՝ թերթի այսօրվա համարում