«Պատրա՞ստ եք Դուք լինել Արցախի անունից բանակցող». հարց՝ Բաբայանին

Պատասխանելով հարցին՝ պատրա՞ստ եք Դուք լինել Արցախի անունից բանակցող անձ, «Միասնական հայրենիք» կուսակցության նախագահ Սամվել Բաբայանը «Ազատության» եթերում ասել է. «Ես վստահ եմ, որ կկարողանամ գտնել ընդհանուր այն եզրերը, որոնցով պետք է այդ խնդիրները լուծել: Ես միշտ իմ ելույթներում ասել եմ՝ Արցախը հանրաքվե է ընդունել և անկախ պետություն է: Եթե որևէ կարգավիճակի հարց քննարկելու լինենք՝ առաջին հերթին Արցախի ժողովուրդը տեղյակ է լինելու, ընտրություններ են լինելու, և ժողովուրդը տալու է հնարավորություն, որոշում է կայացվելու՝ ես եմ, դուք եք, ով է՝ նա էլ բանակցելու է»: