«Հայաստանի քաղաքական կյանքը տիկնիկային թատրոն է». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Ցանկացած ընդդիմության նպատակն իշխանություն վերցնելն է, որպեսզի իրականացնի երկրի զարգացման իր ծրագրերը։ 2020 թվականի նոյեմբերի 9-ի կապիտուլյացիայից հետո, երբ Նիկոլ Փաշինյանը թաքնվել էր, ժողովուրդը զայրացած փողոց էր դուրս եկել, ընդդիմությունը չվերցրեց փողոցում ընկած իշխանությունը։ 2021թ․ հունիսի 20-ի կանխորոշված ելքով ընտրություններին մասնակցելով, պատգամավորական մանդատներ ու պաշտոններ վերցնելով՝ ընդդիմությունը լեգիտիմիացրեց կապիտուլյացիա ստորագրած Նիկոլ Փաշինյանի իշխանությունը։ Հայաստանի քաղաքական կյանքը տիկնիկային թատրոն է, որտեղ հայտնի են թե՛ տիկնիկները, թե՛ դրանց թելերը քաշող տիկնիկավարները»: