«Հայ հասարակությունը կանգնած է ռազմավարական ընտրության առաջ». Դավիթ Ֆիդանյան

Լրագրող Դավիթ Ֆիդանյանը գրել է. «Մեծ հաշվով հայ հասարակությունը կանգնած է ռազմավարական ընտրության առաջ։ Կամ ատամները կրճտացնելով, զրկանքներ կրելով ամեն ինչ անել՝ պահպանելու համար Հայաստանը և Արցախը, կամ դառնալ թուրքադրբեջանական դիկտատի ներքո գործող, ինչ-որ ֆիկտիվ վարչական տարածք, որը չի ունենա պետականություն։ Չի ունենա պետական խորհրդանիշներ։ Չի ունենա ազգային բանակ։ Չի ունենա ինքնիշխանություն։ Չի լինի գործոն և, բնականաբար, կենթարկվի գաղութային էքսպլատացիայի՝ ժանրի բոլոր կանոններով։ Որպես դասական գաղութային էքսպլատացիայի մատերիալ՝ վերջնարդյունք էլ, ամենայն հավանականությամբ, շատ կարճ ժամանակահատվածում կդառնա ընդամենը մի հատ մեծ պայմանականորեն արևելյան հասարակաց տուն, որտեղ մեծ գումարներ կվատնեն տարատեսակ հաճույքների համար»։