«Ղարաբաղյան կլանին փոխարինել է իջևանյան թայֆան, ցուցանակը փոխել են, համակարգը նույնն է մնացել». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Հայրենիքը մաս-մաս հանձնել ու հանձնում են, սակայն իրենց համար բազում տներ գնում, բիզնեսներ ձեռք բերում, եղած բիզնեսներն ընդարձակում, պետական բյուջեն մսխում, կառավարական մասնաշենքերը և դաչաները տասնյակ միլիոնավոր դրամներով նորոգում, միլիարդավոր դրամներ են բաժանում ոչ արդյունավետ աշխատող պաշտոնյաներին պարգևատրելու համար, ծառայողական թանկ ավտոմեքենաներ են գնում, պետական հաստիքներով բազում օգնականներ, խորհրդականներ, քարտուղարուհիներ, սիրուհիներ են պահում, անմեղսունակի նման արդարանում, թե արտերկրից չեն կարողանում բանակի համար զենք գնել։ Հայաստանին ու Արցախին տանում են նոր պարտության, նոր զոհերի, նոր կորուստների։ Ղարաբաղյան կլանին փոխարինել է իջևանյան թայֆան, ցուցանակը փոխել են, համակարգը նույնն է մնացել։
Անտառը հատումներից շարունակում էր նոսրանալ, սակայն ծառերը կարծում էին,․ թե իրենց հատող կացինը յուրային է , քանզի կացնի պոչը փայտից էր»։