«Թե՛ Ալիևը, թե՛ Փաշինյանը պետք է պատրաստվեն շուտով սպասվելիք իրենց համար ոչ այնքան հաճելի զարգացումներին». Վահե Սարգսյան

Պատմաբան, խմբագիր Վահե Սարգսյանը ֆեյսբուքյան իր էջում գրել է. «ՌԴ ԱԳՆ-ի հայտարարության մեջ թարգմանաբար ասվում է․
- Ղարաբաղի շուրջ այս ամբողջ բորշչը եփել է ՀՀ դավաճան ղեկավարությունը՝ Ղարաբաղն Ադրբեջանի մաս ճանաչելով։
- Այդուհանդերձ, մենք ոչ միայն չենք հեռանալու, այլև չենք թողնելու, որ Արցախի հայերը մնան Արևմուտքի հույսին ու մորթվեն Արևմուտքի տարածաշրջանային կուռատոր Թուրքիայի ձեռամբ («այս պայմաններում Ղարաբաղի հայ բնակչության ճակատագրի պատասխանատվությունը չպետք է տեղափոխվի երրորդ երկրների վրա»)։
- Չենք թողնելու, որ Նիկոլ Փաշինյանի երազած խաղաղության պայմանագիրը բավարարի վերջինիս՝ նախորդ եռակողմ պայմանավորվածություններն ի չիք դարձնելու, Ղարաբաղն Ադրբեջանին հանձնելու, արցախահայությանը իսպառ բնաջնջելու և այդ գնով ՌԴ-ին տարածաշրջանից հեռացնելու անհագ մոլուցքը։
- Վերը նշված նպատակով էլ՝
ա․ նշված խաղաղության պայմանագիրը պետք է կնքվի ՌԴ հովանու ներքո,
բ․ ի հեճուկս արցախահայությանը, դրանով իսկ նախորդ եռակողմ պայմանավորվածությունները դավաճանած Փաշինյանի՝ հենց այդ նոր պայմանագրում վերստին ամրագրվելու են Ղարաբաղի հայերի իրավունքների և անվտանգության հուսալի ու հստակ երաշխիքները, ինչպես նաև Ռուսաստանի, Ադրբեջանի և Հայաստանի միջև եռակողմ պայմանագրերի ողջ փաթեթի խստիվ կատարման անհրաժեշտությունը։
- Ալիև-Փաշինյան հաջողություններն արցախահայությանը Ադրբեջանի կազմում տարրալուծելու և ցեղասպանելու ուղղությամբ խիստ ժամանակավոր են, և թե՛ Ալիևը, թե՛ Փաշինյանը պետք է պատրաստվեն շուտով սպասվելիք իրենց համար ոչ այնքան հաճելի զարգացումներին»։