«Իջել ենք նամակատարի մակարդակի». Ռոբերտ Մարգարյան

Ինչպես հայտնել էինք, նախօրեին ՀՀ վարչապետը Եվրոպական խորհրդի նախագահ Շառլ Միշելին էր փոխանցել Արցախի նախագահի նամակը: «Ռեվյու» հաղորդման եթերում անդրադառնալով այս իրադարձությանը՝ քաղաքագետ, իրավաբան Ռոբերտ Մարգարյանն ասել է, որ դա թատրոն էր. «ՀՀ իշխանությունները ժամանակին բանակցում էին Արցախի անունից, ներկայացնում Արցախը բանակցության սեղանին, հիմա մեր դիրքն իջել է պարզապես նամակատարի դիրքի: Այսինքն՝ ՀՀ ղեկավարը պարծենում է նրանով, որ ինչ-որ նամակ վերցրել, տարել, հանձնել է Շառլ Միշելին. իջել ենք նամակատարի մակարդակի... Ես կասկածում եմ, որ Շառլ Միշելն այդ նամակին որևիցե կարևորություն կտա. դնելու են գզրոցում, գզրոցն էլ փակեն, որովհետև հարցն իրենց դիտանկյունից արդեն փակված է»,- ասել է բանախոսը՝ հավելելով, որ նամակի փոխանցման նպատակը՝ ինչ-որ բան անելու տպավորություն ստեղծելն էր: