Չինաստանը ռեկորդային ծավալներով ռուսական նավթ է գնել

Հունիսին ռուսական նավթի ներմուծումը Չինաստան հասել է պատմական առավելագույնին, ասվում է Չինաստանի կառավարության կողմից հինգշաբթի հրապարակված զեկուցագրում:

Հունիսին Ռուսաստանից մատակարարումների ծավալը կազմել է 10,50 միլիոն մետրիկ տոննա կամ օրական 2,56 միլիոն բարել։ Չինաստանի Ժողովրդական Հանրապետության մաքսային վարչության տվյալներով՝ նախորդ տարվա նույն ամսվա համեմատ ծավալն աճել է 44%-ով։

Առաջին կիսամյակում ռուսական նավթի մատակարարումները Չինաստան հասել են 52,61 միլիոն տոննայի՝ տարեկան կտրվածքով աճելով 22 տոկոսով:

Սաուդյան Արաբիայից Չինաստան մատակարարումները հունիսին կազմել են 7,92 միլիոն տոննա կամ օրական 1,93 միլիոն բարել, ինչը 12 տոկոսով ավելի է նախորդ ամսվա համեմատ և 57 տոկոսով ավելի՝ 2022 թվականի հունիսի համեմատ: