«Հղիները շոգին կիլոմետրերով քայլում են՝ հիվանդանոց հասնելու համար». Գուրգեն Ներսիսյան

«Արցախում միայն աշխատում են հացի փռերն ու ալրաղացները: Վերջին մեկ շաբաթվա ընթացքում մոտ 30 տոկոսով ավելացել է հացի պահանջարկը: Պատճառն այն է, որ սննդի մնացած տեսակները սպառվել են ու բնակչությունն առավելապես սնվում է հացով»,- «Ազատության» եթերում ասել է Արցախի պետնախարար Գուրգեն Ներսիսյանը՝ ներկայացնելով Արցախում ստեղծված իրավիճակը: Նա անդրադարձել է նաև վառելիքի սղության պատճառով հասարակական տրանսպորտի աշխատանքի դադարեցմանը. «Հղիները Ստեփանակերտում տարվա այս եղանակին կիլոմետրերով ոտքով գնում են ծննդատուն՝ ամենօրյա կամ ընթացիկ հետազոտությունների»,- նշել է նա՝ հավելելով, որ շրջանների կապը մայրաքաղաքի հետ ընդհատված է: