Տոնոյանը պատասխանեց՝ նախապես իմացե՞լ է Ադրբեջանի կողմից պատերազմ սկսելու մասին

ԱԺ 44-օրյա պատերազմի հանգամանքներն ուսումնասիրող քննիչ հանձնաժողովի նիստի մեկնարկին Պաշտպանության նախկին նախարար Դավիթ Տոնոյանը կոչ արեց ընդդիմադիր պատգամավորներին՝ գալ և մասնակցել նիստին:

Այնուհետև, խոսելով «կանխատեսվող» պատերազմային իրավիճակից, ասաց. «Սպառնալի իրավիճակի վերաբերյալ տեղյակ եմ եղել, այն տեղեկության հիման վրա, որ ստացվել է ամփոփման իմ փորձի և պաշտոնական տեղեկատվությամբ, որ ստանում էինք պարբերաբար, բայց ռազմական գործողությունների սկսման օրը որևիցե մեկին հայտնի չի եղել»։