«Ստորագրված փաստաթուղթը խաղաղության պայմանագիր չէ». Փաշինյանը՝ Euronews-ին

2020 թվականի նոյեմբերի 9-ին (լույս 10-ի գիշերը-խմբ.) ստորագրված փաստաթուղթը խաղաղության պայմանագիր կամ խաղաղության համաձայնագիր չէ, Euronews-ին տված հարցազրույցում նկատել է ՀՀ վարչապետ Նիկոլ Փաշինյանը։ «Ընդ որում, այն այդպիսին չէ ոչ միայն իրավական իմաստով, այլև դե ֆակտո, քանի որ դրա մի շարք դրույթներ կոպտորեն, չարամտորեն խախտված են։

Սա ավելի շուտ ապագա խաղաղ ճարտարապետության որոշակի հայեցակարգ է, որը կարող է իրականացվել:

Ցավոք, Ադրբեջանի կողմից բազմաթիվ դրույթներ պարբերաբար խախտվում են։ Դա տեղի է ունենում հենց հիմա: Տեսեք, դուք հարց տվեցիք ԼՂ-ի մասին, և դա բոլորը հասկանում են, բայց Ադրբեջանը, օրինակ, շարունակում է պնդել, որ ԼՂ չկա»,- նշել է Փաշինյանը։