«Հայաստանը պարտավորվել է մուտք ապահովել մեր էքսկլավ՝ Նախիջևան». Ալիև

Իլհամ Ալիևը Euronews-ին տված հարցազրույցում կարծիք է հայտնել, որ խաղաղության հաստատման վերաբերյալ հույսեր ունենալը ճիշտ է. «Հայաստանի և Ադրբեջանի սահմանը դեռ որոշված ​​չէ։ Հենց Խորհրդային Միությունը փլուզվեց, մենք բախվեցինք այս ագրեսիային։ Այսպիսով, գլխավորը սահմանն է։ Ինչպիսի՞ն կլինի իրական վիճակը տեղում։ Ի՞նչ կլինի տրանսպորտային կապերի հետ: Հիշեցնեմ, որ Ղարաբաղյան երկրորդ պատերազմի արդյունքներով Հայաստանը պարտավորվել է մուտք ապահովել մեր էքսկլավ՝ Նախիջևան։ Բայց մինչ այժմ դա տեղի չի ունեցել։ Ուստի խաղաղության պայմանագրի կոնկրետ կետերի շուրջ հիմնական աշխատանքն իրականացնում են նախարարները։ Երկու երկրների ղեկավարների հանդիպումները պարզապես, ինձ թվում է, բարենպաստ ֆոն են ստեղծում։ Բայց եթե հայկական կողմից տեսնենք կառուցողական մոտեցում, և որ ամենակարևորը նրանք ամբողջությամբ հրաժարվեն մեր տարածքային ամբողջականությունը վիճարկելու իրենց բոլոր ձգտումներից, ապա մենք կկարողանանք խաղաղ լուծում գտնել շատ շուտով, գուցե նույնիսկ՝ մինչև տարեվերջ»: