«Այսօր առաջին առաջադրումն ունեցանք». ԿԸՀ նախագահ

Օգոստոսի 3-ից սկսվել են Երևանի ավագանու ընտրությունների առաջադրումները: Կուսակցությունների, կուսակցությունների դաշինքների ընտրական ցուցակների առաջադրման և գրանցման համար անհրաժեշտ փաստաթղթերը Կենտրոնական ընտրական հանձնաժողով պետք է ներկայացվեն մինչև օգոստոսի 13-ը՝ ժամը 18:00-ն:

«Մեդիա կենտրոն»-ում ասուլիսի ժամանակ ԿԸՀ նախագահ Վահագն Հովակիմյանն ասաց, որ առաջին առաջադրումն այսօր էր. «Այս պահին ԿԸՀ մուտք են արվում Հայաստանի Եվրոպական կուսակցության փաստաթղթերը»:

Հիշեցնենք՝ ընտրությունների քարոզարշավը մեկնարկելու է օգոստոսի 23-ից: Երևանի ավագանու ընտրությունները նշանակված են սեպտեմբերի 17-ին: