«Երկար չեք սպասելու». Իշխան Սաղաթելյան

Բյուրականում ընթացող ՀՅԴ Հայաստանի երիտասարդական միության կազմակերպած ամենամյա բանակումի ժամանակ լրագրողների հետ զրույցում ընդդիմադիր խմբակցության պատգամավոր Իշխան Սաղաթելյանն ասել է, որ իրենց նպատակն է առաջիկա գործընթացներին ներգրավվել երիտասարդներին. «Առաջիկայում լինելու են գործընթացներ. օր, ժամ չեմ կարող ասել, բայց երկար չեք սպասելու»: Լրագրողի դիտարկմանը՝ վերջին ասուլիսում հայտնեցիք, որ սկսվելու են ակտիվ գործընթացներ. դրանից անցել է 5 ամիս, Սաղաթելյանը նշել է. «5 չի անցել, 2 է անցել: Առանց փակագծեր բացելու՝ ասեմ, որ պետք է տեղի ունենան պրոցեսներ, որոնք կհանգեցնեն իշխանափոխության: Առանց դրա որևէ հարց լուծել հնարավոր չէ... շատ սպասեցնել չենք տա»: