«Առջևում հումորային սցենարներ են՝ մինչև փուչիկի տրաքվելը». Բաբկեն Հարությունյան

«Հայրենիք» կուսակցության անդամ Բաբկեն Հարությունյանի գրառումը․ «Մարության Հայկի ռեյտինգային փուչիկը նոր ռեկորդ է սահմանում։ Երեք օր առաջ հայտարարեց առաջադրվելու մասին, հաջորդ օրը սոցիոլոգիական գերարագ հարցումների տվյալներով «դարձավ» Ավինյանի հիմնական մրցակից, այսօր էլ «գերգաղտնի» պլանը բացահայտվեց, ըստ որի, Հայկին ռուսական կողմն է աջակցում։
Վաղվա սցենարում կլինի արևմուտքի աջակցության մասին հրապարակում, դրանից հետո կլինի գովազդ, հետո պարսիկների աջակցության մասը կսկսվի, հետո էլի երկար գովազդ և, հաշվի առնելով Հայկի քաղաքապետության ժամանակ քաղաքի՝ աղբի մեջ կորելը, տրված խիստ «հասկանալի» շինթույլտվությունները, նախընտրական ծրագրում տրված խոստումների լիակատարը ձախողումը՝ նա կհռչակվի ընդդիմության թեկնածու, համարյա միակ ու անփոխարինելի։
Առջևում հումորային սցենարներ են սպասվում, մինչև փուչիկի տրաքվելը»: