«Փորձել ենք հասկանալ՝ ինչ կարող էին անել մեր ծառայությունները՝ վթարը կանխարգելելու համար». Փաշինյան

«Շիրակի մարզում տեղի ունեցած ողբերգական վթարից հետո ես ուզում եմ ևս մեկ անգամ արձանագրել, որ հենց դեպքից անմիջապես հետո մենք փորձել ենք հասկանալ, թե ինչ կարող էին անել մեր ծառայությունները՝ վթարը կանխարգելելու համար։ Առաջին միտքն այն էր, որ եթե վարորդների կամ ավտոմեքենաների փաստաթղթերի հետ ինչ-որ բան այն չէ՝ մենք կարող էինք վերապահում ներկայացնել ոստիկանությանը՝ ինչի այս ճանապարհին չեք հայտնաբերել այդ մեքենաները, որ պատշաճ փաստաթղթեր չունեն, բայց շատ արագ արձանագրեցինք, որ վարորդների վարորդական իրավունքներն են իրավազոր»,-Կառավարության այսօրրվա նիստում ասաց վարչապետ Նիկոլ Փաշինայնը՝ նշելով, որ վարորդների վարորդական խախտումների հետագծում ոչ մի առանձնահատուկ խախտում չկա։

«ՏԿԵ նախարարի հետ կա պայմանավորվածություն, որ պետք է լրջորեն և պատշաճ սպասարկում իրականացվի ճանապարհների կառուցման ուղղությամբ»,- ասաց նա: