«Թաղային և օլիգարխիկ համակարգն աշխատում է իշխանության համար»․ Բաբկեն Հարությունյան

«Հայրենիք» կուսակցության անդամ Բաբկեն Հարությունյանի գրառումը․ «Երևանի ընտրությանը նույնպես թաղային և օլիգարխիկ համակարգը աշխատում է իշխանության համար։ Իրենց պատճառը պարզ է. ունեն խնդիր սեփական, խոցելի կարողությունը պահելու։ Հենց այդ հարցը լուծեն՝ խնդիր չի լինի նաև հաջորդ իշխանության հետ պայմանավորվելը, նույնիսկ այն դեպքում, եթե այսօրվա ընդդիմությունը գա իշխանության։ Հայաստանում իշխանությանը միշտ էլ պետք են եղել, պետք են և տեսանելի ապագայի իշխանությունների համար էլ պետք են լինելու նման մարդիկ, և հեչ կապ չունի, թե այսօր ինչեր են ասում այդ համակարգերի թաղային և օլիգարխիկ համակարգի մասին, իհարկե չնչին, շա՜տ չնչին բացառություններով մնացած բոլորը հաջորդ իշխանության կողմից կրկին գնահատվելու են փողի և քաղաքական պաշտոնների տեսքով։
Մեզ առնվազն մեկ-երկու տասնամյակ է պետք, որպեսզի այս՝ փողի վրա կառուցված ապաքաղաքական համակարգը փլվի, բայց հարց է, արդյոք այդքան երկիրը կդիմանա»։