«Այդ անձինք չե՞ն ցանկանում բանակին «տեղեկացնեն» դավադրության մասին». Վահրամ Մարտիրոսյան

Գործարար Վահրամ Մարտիրոսյանը ֆեյսբուքյան իր էջում գրել է. «Ինձ մեկ հարց է հետաքրքրում՝ այն անձինք, ովքեր 44-օրյան հայտարարում են պայմանավորված պատերազմ, չե՞ն ցանկանում մոտեցող պատերազմի շեմին ոչ թե հետին թվով այլ նախօրոք բոլորիս «տեղեկացնել» պայմանավորվածի մասին, եթե, իհարկե, ըստ իրենց, Նիկոլը էլ հինը չի ու այս անգամ չի պայմանավորվել։ Չե՞ն ցանկանում բանակին «տեղեկացնեն» դավադրության մասին և մեր «միամիտ» զինվորներին «փրկեն» կոտորածից։
Թե՞ հետին թվովի փոխարեն նույն բանը ներկայով խոսելու դեպքում, միանգամից բանակը կազմալուծող դավաճանի խարանը կգրվի ճակատներին։ Հռետորական հարց է առաջանում՝ իսկ ի՞նչ տարբերություն «պայմանավորվածը» անցյալով է ասվում, թե ներկայով։
Ցավոք, այս քաղաքական մտքի մակարդակին են գործող քաղաքական ուժերի մեծ մասը։ Նրանք փաստերի փոխարեն հիմնվելով սեփական «տրամաբանությունների» վրա, փչացնում են ամբողջ քաղաքական դիսկուրսը՝ առարկայականից տեղափոխելով վերացական-դավադրական դաշտ։ Հետո շատերը զարմանում են, թե ինչպես է պատերազմը տանուլ տված և կապիտուլյացիա ստորագրած անձը կարողանում մնալ իշխանության։ Իսկ պատասխանը շատ պարզ է՝ իրեն ընդիմացող ուժերը գաղափարապես իրենից առանձնապես չեն էլ տարբերվում»։