«Մտահոգիչ են «Հայոց լեզու և գրականություն», «Մաթեմատիկա» առարկաների ցուցանիշները». ԿԳՄՍ փոխնախարար
1790 Երեքշաբթի, 29 օգոստոսի, 2023 թ., 21:36 Նոր ուսումնական տարվան ընդառաջ՝ ՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանը հանդիպել է ավագ և մասնավոր դպրոցների տնօրենների հետ՝ ամփոփել օգոստոսյան խորհրդակցությունների շարքը, հայտնել է ՀՀ կրթության, գիտության, մշակույթի և սպորտի նախարարությունը։ Խորհրդակցությանը ներկա են եղել ԿԳՄՍ նախարարության հանրակրթության վարչության պետ Թամարա Սարգսյանը, Կրթության զարգացման և նորարարության ազգային կենտրոնի, Կրթական տեխնոլոգիաների ազգային կենտրոնի ներկայացուցիչներ: ԿԳՄՍ նախարարի տեղակալը ներկայացրել է միասնական և ընդունելության քննությունների վերլուծական տվյալները: Որպես ավագ դասարաններում ընդհանրական խնդիր՝ նա անդրադարձել է միասնական քննությունների ամփոփ տվյալներին՝ համաձայն որոնց համեմատաբար բարձր ցուցանիշները գրանցվել են «Անգլերեն» և «Հայոց պատմություն» առարկաներից՝ միջին գնահատականը 13 միավոր: «Մտահոգիչ է «Հայոց լեզու և գրականություն», «Մաթեմատիկա» առարկաների ցուցանիշները, որոնց միջին գնահատականները տատանվում են 11 միավորի շրջանում: Հետաքրքրական է, որ ՀՀ գրեթե բոլոր շրջաններում «Ֆիզիկա» առարկայից ավելի բարձր միավորներ ունենք, քան «Մաթեմատիկայից»»,- ներկայացրել է Արաքսիա Սվաջյանը՝ ընդգծելով, որ արդյունքների վերլուծությունը կարող է ուղենիշ լինել ավագ դասարաններում կրթության որակի բարելավման առումով: Նոր ուսումնական տարում բոլոր դպրոցներում ներդրվելու է հանրակրթական նոր չափորոշիչը՝ 2-րդ, 5-րդ, 7-րդ դասարաններում: 10-րդ դասարանում չի ներդրվի՝ պայմանավորված դասագրքերի պակասով: «10-րդ դասարանում 10-ից ավելի պակաս դասագրքեր կան, ուստի չափորոշիչը այս դասարանում կներդրվի հաջորդ ուսումնական տարում»,- ասել է փոխնախարարը և հավելել, որ նոր չափորոշչի ներդրմամբ՝ իրականացվել են վերապատրաստումներ մենթոր դպրոցների միջոցով, որոնք հիմնականում ավագ դպրոցներն են: Մենթոր դպրոցների համակարգի կայացման մասին խոսելիս Արաքսիա Սվաջյանը նշել է, որ դրանք փոքր վերապատրաստման կենտրոններն են, այլ կերպ՝ Կրթության զարգացման և նորարարության ազգային կենտրոնի /ԿԶՆԱԿ/ արբանյակները, որոնք ունեն մեծածավալ անելիքներ տարբեր ձևաչափերով: Տնօրեններին իրազեկվել է, որ ԿԶՆԱԿ-ը ունի առանձնացված թեժ գիծ, որը նախատեսված է նոր չափորոշչի ներդրման վերաբերյալ հարեցրի պարզաբանման համար: Թեմայի շրջանակում Արաքսիա Սվաջյանն անդրադարձել է նաև նոր դասագրքերին: Դրանց տպագրությունն ընթացքի մեջ է: Ուսումնական տարվա մեկնարկին նոր չափորոշչի փորձարկմամաբ պայմանավորված նաև նոր դասագրքեր են ստեղծվել: Սակայն ուսումնական տարվա սկզբին դասագքերի տպագրման աշխատանքներն դեռևս ավարտված չեն լինի՝ քանի որ սահամանված ընթացակարգերը նաև որոշակի ժամանակ են պահանջում: Դասագրքերի էլեկտրոնային տարբերակները հասանելի են Կրթական տեխնոլոգիաների ազգային կենտրոնի շտեմարանում: Դրանք որոշ ժամանակ կփոխարինեն դասագրքերի թղթային տարբերակներին, մինչև նոր դասագրքերի տպագրումը: «Մենք ունենք դպրոցների աջակցության կարիքը, հատկապես, կազմակերպչական հարցերում»,- ասել է Արաքսիա Սվաջյանը և հավելել, որ առաջիկա ուսումնական տարվա համար ևս կհայտարարվեն նոր դասագրքերի ստեղծման մրցույթներ: Հանդիպմանը նախարարի տեղակալն անդրադարձել է նաև դպրոցներում ներդրվող ֆինանսավորման նոր մոդելին, դրույքաչափի փոփոխությանը, ինչպես նաև հոգեբանի հաստիքի ներդրմանը, որի համատեքստում նա նշել է. «Դպրոցը պետք է դառնա այն միջավայրը, որտեղ երեխան իրեն զգա անվտանգ ու ապահով, որտեղ կձևավորվի որպես անձ և արժեքներ կրող»: Արաքսիա Սվաջյանը նաև հորդորել է տնօրեններին բծախնդրորեն մոտենալ երեխաների անձնական տվյալների մասին տեղեկատվություն տարածելու հարցին: Խորհրդակցության ընթացքում տնօրենները մի շարք հարցեր են ուղղել նախարարի տեղակալին, որոնք վերաբերել են ուսուցիչների ատեստավորմանը, ֆինանսավորման նոր մոդելի ներդրմանը, դասագրքերին և այլ խնդիրների: |
«Քննարկեցինք Ակադեմիական քաղաքի տեխնոլոգիական կլաստերի նախագիծը». Նիկոլ Փաշինյան (տեսանյութ)
112Երեկ, 23:30«Անչափահասին հրազենային վնասվածք պատճառելու վերաբերյալ տվյալներ այս պահին չկան»․ Գոռ Աբրահամյան
179Երեկ, 12:06«Մեկնարկել են հեռակա ուսուցման համար բուհերի ընդունելության քննությունները»․ ԳԹԿ
172Երեկ, 11:24«Աջ ու ձախ անգրագիտություն և տգիտություն է տիրում»․ Մեխակ Սայադյան
33820.10.2024, 12:18Ծնողի պնդմամբ՝ ՆԶՊ-ի ուսուցիչը ծեծել ու վիրավորել է երեխային
45918.10.2024, 09:54«Մեղադրանքը չափազանց լուրջ է, պետք է աջակցենք նմանատիպ խնդիրների բացահայտմանը»․ Ժաննա Անդրեասյան (տեսանյութ)
41617.10.2024, 14:12Փաշինյանը՝ ԲՈՒՀ-երի շենքերի հետագա կառավարման մասին
48617.10.2024, 13:06«Հաստատվել է 2024թ․ բուհերի ընդունելության հեռակա ուսուցման քննությունների ժամանակացույցը»․ ԳԹԿ
46116.10.2024, 10:12