«Ամենակարևոր փոփոխությունը, որ սովը և դավաճանությունն իրենց հետ բերել են». Վահագն Ավագյան

ԱԺԲ անդամ Վահագն Ավագյանը գրել է. «Արայիկի հրաժարականի պատճառը ազգային դավաճանությամբ Նիկոլ Փաշինյանի հետ միասնաբար Արցախի պարտության կազմակերպումը չէ, ոչ էլ Բերձորի հանձնումը, ինչի շնորհիվ Արցախի մնացած հատվածում Ադրբեջանը սովահարություն է կազմակերպել։ Արայիկի «միակ մեղքը» երեկ Ստեփանակերտում բարձրացված Ֆրանսիայի դրոշն է։
Նոր իշխանությունը, բնականաբար, ուղիղ ռուսների աշխատող պետք է լինի։
Ռուսաստանին թվում է, թե Արցախահայության վրա ավելի գործուն լծակ է ստեղծում, բայց այս պայմաններում լինելու է ուղիղ հակառակը։ Եթե Արայիկին տեղում ձերբակալելու և հաշվեհարդար տեսնելու առումով կաշկանդում դեռ կար, ապա նոր ԿԳԲ-ը գործակալի առումով չի լինելու։ Հայությունը այլևս Ռուսաստանին թշնամի է համարում․․․ սա ամենակարևոր փոփոխությունն է, որ սովը և դավաճանությունը իրենց հետ բերել են»։