«Սոթքի հատվածում գրեթե բոլոր բարձունքները գտնվում են Ադրբեջանի վերահսկողության ներքո»․ Տ․ Աբրահամյան

ԱԺ «Պատիվ ունեմ» խմբակցության պատգամավոր Տիգրան Աբրահամյանը լրագրողների հետ զրույցում անդրադառնալով սահմանային վերջին լարվածությանը՝ ասել է, որ, իր տեղեկություններով, Սոթքի ուղղությամբ գրեթե բոլոր բարձունքները գտնվում են ադրբեջանական վերահսկողության ներքո․ «Ադրբեջանի գլխավոր խնդիրը եղել է վնաս ու կորուստ պատճառելը։ Ցավոք, ունենք զոհեր և վիրավորներ։ Ցավակցում եմ զոհվածների ընտանիքների անդամներին ու մտերիմներին, շուտափույթ ապաքինում մաղթում վիրավորներին»,- նշել է նա։