«Իրական թատրոնի պատկերը ամբողջանում է՝ իր ողջ «թշվառության և պերճանքի» մեջ». Տիգրան Աթանեսյան

Փաստաբան Տիգրան Աթանեսյանը ֆեյսբուքյան իր էջում գրում է. «Երևանի ավագանու ընտրություններն ինչ ասես կարելի է անվանել, բացի իրական քաղաքային իշխանության ընտրություններից: Պետության կործանման եզրին գտնվող մի երկրում, սա հերթական փող աշխատելու, այն է՝ մեր ազգի մեծամասնության կյանքի իրական նպատակի, դրսևորման ձև է: Ինչ կարգի «լնգուլավազ» ասես, թե չեն լծվել այդ կյանքի «փափագի» իրականացմանը՝ ամեն մեկը իր չափ փայը վաստակելու համար: Ցավում եմ, որ «լուրջ» ընդդիմադիրի դերը, իսկ իրականում՝ ամենավատ դերակատարությունը, ստանձնել է առաջին հայացքից խելացի մի մարդ: Ավելի վատ է, որ կան միամիտներ, որ հավատում են այդ «արմատական ընդդիմություն» լինելու դերակատարությանը: Բայց չկա ոչ մի գաղտնի բան, որ չի դառնա ակնհայտ: Երբ այդ «արմատական» ընդդիմությանը սատարում են բոլոր տերերի հետույքը համբուրելու առաջնության մշտական մասնակիցները, այն էլ՝ անգամ այդ անփառունակ «մրցարշավում» մշտապես պարտվողները, ապա իրական թատրոնի պատկերը ամբողջանում է՝ իր ողջ «թշվառության և պերճանքի» մեջ»։