Կիրակի, 16 օգոստոսի, 2026 թ.
|
Ստեփանակերտում`   +19 °C

Ուկրաինան սկսել է հացահատիկ արտահանել Խորվաթիայի նավահանգիստներով

Ուկրաինան սկսել է հացահատիկ արտահանել Խորվաթիայի նավահանգիստներով
11319
Հինգշաբթի, 07 սեպտեմբերի, 2023 թ., 20:30

Ուկրաինան սկսել է իր գյուղատնտեսական արտադրանքի արտահանումը Խորվաթիայի միջերկրածովյան նավահանգիստներով, հայտարարել է երկրի էկոնոմիկայի նախարար Յուլիա Սվիրիդենկոն, փոխանցում է Strana-ն։

«Ուկրաինական հացահատիկն արդեն արտահանվել է Խորվաթիայի նավահանգիստներով։ Այս առևտրային ուղին, թեև քիչ պահանջարկ ունի, բայց արդեն պահանջարկ է ձեռք բերում։ Մենք պատրաստ ենք զարգացնել այն՝ ընդլայնելով տրանսպորտային միջանցքի հնարավորությունները»,- ասել է նա։

Սվիրիդենկոյի խոսքով, այս երթուղին «կարևոր դեր կխաղա» երկրների միջև առևտրի զարգացման համար, այդ թվում՝ ռազմական գործողությունների ավարտից հետո։

Այս մասին նախարարը հայտարարել է Խորվաթիայի վարչապետ Անդրեյ Պլենկովիչի հետ հանդիպմանը։ Նա բազմիցս առաջարկել է Ուկրաինայից հացահատիկը տեղափոխել երկրի նավահանգիստներով։

Կարդացե՛ք նաև