«Անթույլատրելի ենք համարում մեր ժողովուրդների միջև թշնամություն սերմանելու փորձերը». Զախարովա

Հայ-ռուսական մեդիաֆորումին տեսաուղերձով հանդես է եկել ՌԴ ԱԳՆ պաշտոնական ներկայացուցիչ Մարիա Զախարովան, ով խոսել է Երևանի ու Մոսկվայի՝ տարբեր ոլորտներում համագործակցության մասին, անդրադարձել վերջին շրջանում առկա խնդիրներին. «Ոչ ձեզ, ոչ մեզ չի կարող գոհացնել Հայաստանի տեղեկատվական դաշտում վերջին շրջանում առկա միտումը՝ տարածել միակողմանի, բացասական, իրականությանը չհամապատասխանող տեղեկատվություն՝ ՌԴ-ի և հայ-ռուսական հարաբերությունների մասին։ Անթույլատրելի ենք համարում հայ ժողովրդի բոլոր դժբախտությունների մեջ Ռուսաստանին մեղադրելու հաշվին մեր ժողովուրդների միջև թշնամանք սերմանելու փորձերը: Մերժելի նախադեպ ենք համարում Կոնստանտին Զատուլինի, Մարգարիտա Սիմոնյանի, Անդրանիկ Միհրանյանի, Արամ Գաբրելյանովի և այլոց ընդգրկումը «սև ցուցակում»»,- նշել է նա: