ՀՀԿ-ն պատրաստվում է ակտիվ գործողությունների. «Հրապարակ»

208

Հինգշաբթի, 14 սեպտեմբերի, 2023 թ., 09:30

«Հրապարակ»-ը գրում է. «Սերժ Սարգսյանի կուսակից, «Պատիվ ունեմ» խմբակցության ղեկավար Հայկ Մամիջանյանի հայտարարությունն ԱԺ ամբիոնից, մի քանի օր է՝ խաթարել է իշխող ուժի անդորրը։ Իրական և ֆեյք օգտատերերը նախօրեից գրոհում են ՀՀԿ-ի ու հատկապես պատգամավորի ուղղությամբ, ՔՊ-ական պատգամավորներն էլ հաշիվ են պահանջում գործընկերոջից։

Իշխանականների անհանգստությունը թերևս պայմանավորված է նրանով, որ տեղեկություններ կան, թե ՀՀԿ-ում արդեն մի քանի ամիս է՝ պատրաստվում են․ քաղաքական բողոքի ակցիաներ են պլանավորում, գործողություններ, որոնց մասին ակնարկում էր Մամիջանյանը։ Մեր աղբյուրի փոխանցմամբ՝ ՀՀԿ-ականները հետևելու են Երևանի ավագանու ընտրություններին, և գործողությունների հարմար պահն էլ կախված է լինելու Երևանի ընտրությունների արդյունքներից: ՀՀԿ-ում վստահ են, որ ՔՊ-ն 50+1 չի հավաքելու, իսկ ուժերի հարաբերակցությունն էլ լինելու է այնպիսին, որ որևէ ուժ կոալիցիա չի կազմելու, ուստի Երևանում քաղաքական ճգնաժամ է առաջանալու, ինչը գործողություններ գեներացնելու ճիշտ ժամանակը կլինի...»:

Մանրամասները՝ թերթի համարում: