«Առանց Արցախի՝ Հայաստանի գոյությունն ավելի կվտանգվի, քան այսօր է». Քերոլայն Քոքս

«Առանց հայկական Արցախի՝ Հայաստանի գոյությունն է՛լ ավելի կվտանգվի, քան վտանգված է այսօր»,- Երևանում տեղի ունեցած ասուլիսի ժամանակ հայտարարել է Մեծ Բրիտանիայի լորդերի պալատի անդամ, բարոնուհի Քերոլայն Քոքսը: «Խիստ ծանր սրտով պետք է ընդունենք այն անհանգստացնող հավանականությունը, որ հայոց ցեղասպանությունը չի ավարտվել»,- նշել է նա՝ հավելելով՝ այն, ինչ արվում է Արցախի նկատմամբ, հնարավոր է, ժամանակի ընթացքում արվի նաև ՀՀ-ի նկատմամբ. «Եթե Հայաստանի ու Ադրբեջանի միջև բանակցվող պայմանագրի արդյունքում Արցախը հանձնվի, ապա տևական խաղաղություն չի երաշխավորվում, չի կարող լինել»,- ընդգծել է բարոնուհին՝ համայն հայությանը կոչ անելով պայքարել Արցախի համար:

Հիշեցնենք՝ նախօրեին նա այցելել էր Լաչինի միջանցքի սկզբնամաս, որտեղ, երկար ժամանակ է, կանգնած են մարդասիրական օգնության բեռնատարները: