«Արցախի մի քանի օրական «նախագահի» հրամանագրի ստորագրման իմաստը ադրբեջանին հզոր խաղաքարտ տալն էր». Սամսոն Գրիգորյան

Գործարար Սամսոն Գրիգորյանը գրում է. «ԼՂՀ գոյության դադարեցման մասին Արցախի մի քանի օրական «նախագահի» հրամանագրի ստորագրման իմաստը ադրբեջանին մի հզոր խաղաքարտ տալն էր։
Սրանով, այսուհետ, բոլորի համար փակված կլինեն բոլոր միջազգային կառույցներում Արցախի ժողովրդի որևէ պահանջների բարձրացումը՝ փախստականի կարգավիճակ, փոխհատուցում, պատմական արդարություն, գույքային պահանջներ, հողային պահանջներ, որևէ բռնարարք և դրան վերաբերող հատուցումներ։
Հետագա Արցախի հայկական լինելուն ուղղված համարյա բոլոր քայլերը և հույսերը ի չիք են դառնում։
Այստեղ փայլեց թուրքական միտքն ու հեռատեսությունը՝ կա հայի ձեռքով ստորագրված փաստաթուղթ, ըստ որի չկա Արցախ-ԼՂՀ, չկա արցախցի, չկա արցախցու իրավունք։
ՀԳ. թուրքական մտքի յուրաքանչյուր փայլքն ամենևին բնատուր առանձնահատկություն չէ, դա ընդամենը հետևանք է հայկական փառասիրության և շահամոլության անսահմանության։ Հայ ժողովրդի պարտության, բայց ոչ արտաքին, այլ ներքին ընչաքաղց թշնամուն»։