Ռուսաստանը Երևանի խնդրանքով սկսել է բենզինի և դիզվառելիքի մատակարարումները Հայաստան

Հայաստանըբարդ վիճակում է նավթամթերքների սակավության պատճառով, Ռուսաստանը Երևանի պահանջով սկսել է հանրապետություն մատակարարել 15 հազար տոննա բենզին և 20 հազար տոննա դիզվառելիք։ Այս մասին հայտնում է ՌԴ ԱԳՆ-ն։ «Ի պատասխան Հայաստանի ղեկավարության խնդրանքի, Ռուսաստան սկսել է մատակարարել հանրապետությանն անհրաժեշտ նավթամթերքը, խոսքը 15 հազար տոննա բենզինի և 20 հազար տոննա դիզելային վառելիքի մասին է։ Ինչպես հայտնի դարձավ գործընկերների խնդրանքից, Հայաստանում այս ոլորտում իրավիճակը բարդ է»,- նշել են ՌԴ ԱԳՆ-ում։

Նրանք հավելել են, որ Հայաստանը գրեթե ընտրել է ընթացիկ տարվա համար հաստատված հաշվեկշիռը։ «Առջևում աշուն-ձմեռ ժամանակաշրջանն է, Ռուսաստանի աջակցությունը կլինի շատ ժամանակին և օգտակար»,- հավելել են ՌԴ ԱԳՆ-ում։

Ռուսական դիվանագիտական ​​ծառայությունը պարզաբանել է, որ Մոսկվան «ընդառաջ է գնացել իր դաշնակիցներին 2013 թվականի դեկտեմբերին ստորագրված համապատասխան միջկառավարական համաձայնագրի շրջանակներում», չնայած սեպտեմբերի 21-ին Ռուսաստանի կառավարության կողմից երկրից առևտրային բենզինի և դիզելային վառելիքի արտահանման ժամանակավոր արգելքի սահմանմանը։