«Փաշինյանի արածը ընդամենը հայտարարություն է, միջազգային պայմանագիր գոյություն չունի». Ավետիք Չալաբյան

Ինչպես հայտնել էինք, «ՀայաՔվե»-ի նախաձեռնող խումբն Արցախի վերաբերյալ օրենսդրական նախաձեռնությունը մուտքագրել է Աժ: Լրագրողների հետ զրույցում նախաձեռնության համակարգող Ավետիք Չալաբյանն ասել է. «Շատերի մոտ հարց է առաջանում՝ Ադրբեջանի կողմից Արցախի օկուպացիայից հետո որքանո՞վ է օրինագիծը մնում արդիական: Մենք կարծում ենք՝ առավել քան արդիական է: Այն, ինչ տեղի է ունեցել Արցախում, միջազգային իրավունքի կոպտագույն խախտում է: Արցախում ցեղասպանություն է տեղի ունեցել ու այն ամենը, ինչ անում է Նիկոլ Փաշինյանը, ցեղասպանությանը հանցակցություն ու մաքրագործություն է: Պետք է շարունակենք պայքարը՝ թույլ չտալու Փաշինյանին՝ Ադրբեջանի ցեղասպանության արդյունքում ստեղծված իրավիճակն ամրագրել միջազգային պայմանագրերով: Հիշեք, որ Փաշինյանի արածն ընդամենը հայտարարություններ են»: